Id-difensur ta’ Ajax, Jurrien Timber, qal li l-jiem li ġejjin se jkunu kruċjali biex jiddeċiedi l-futur tiegħu.
Iż-żagħżugħ ta’ 20 sena huwa maħsub li huwa l-mira ewlenija tat-trasferiment għal Manchester United, bil-manager il-ġdid tal-club Ingliż Erik ten Hag qal li hu determinat li jġib l-ex difensur tiegħu f’Old Trafford.
Ir-Red Devils għandhom interess ‘konkret u serju’ fil-player internazzjonali Olandiż, li għamel 43 dehra ma’ Ajax matul l-istaġun 2021-22, u rreġistra tliet goals u żewġ assists fil-proċess.
