Il-leġġendarju tar-rock li twieled f’Birmingham, Ozzy Osbourne, issorprenda lil kulħadd bid-dehra tiegħu hekk kif niżel is-siparju tal-Logħob tal-Commonwealth li kien suċċess kbir.
Osbourne u l-banda tiegħu, Black Sabbath, ingħataw ovazzjoni kbira mill-folla ta’ 30,000 spettatur fl-Alexander Stadium hekk kif ipprovdew wirja kbira għal din iċ-Ċerimonja tal-Għeluq.
“Inħobbok, Birmingham – tajjeb li erġajt lura!” għajjat hekk kif tela’ mill-palk biex itemm l-ispettaklu bid-diska klassika, “Paranoid”.
Il-Prinċep Edward, iddikjara uffiċjalment il-Logħob magħluq wara l-għoti tal-bandiera lil Victoria, l-istat Awstraljan li se jospita l-edizzjoni tal-2026.
“Grazzi għall-mod, l-istil u l-entużjażmu li bihom ikkompetejtu, mexxejtu, appoġġajtu u organizzajtu kif ukoll il-voluntiera, li għal darb’oħra tajtu l-ħajja, l-ispirtu u l-valuri tal-Logħob tal-Commonwealth,” huwa qal.
“Intom ispirajtu lilna u nisperaw ġenerazzjonijiet futuri – jibqgħu juru wkoll dak li jgħaqqadna. Grazzi Birmingham u l-West Midlands.”
Team England, li rebaħ rekord ta’ 176 midalja waqt il-Logħob, kien l-aħħar li daħal fil-ground fejn ingħata merħba ewforika mill-partitarji preżenti.
