Fil-maratona ta’ Stokkolma rrenja kaos kbir tant li l-ewwel tliet atleti li kienu qed jillidjaw din it-tellieqa intbagħtu fi triq ħażina fejn kellhom jiġru 1.1 kilometri aktar.
It-tliet atleti, Felix Kirwa, Tesfaye Lencho Anbesa, u Merhawi Keste, ġew indikati rotta ħażina. Huwa ġrew għal minuta sħiħ fejn indunaw li kienu fit-triq il-ħażina fejn anke tilfu l-vantaġġ.
Iżda Kirwa għamel rimonta kbira biex irnexxielu jirbaħ f’sagħtejn, 11-il minuta u 7 sekondi.
Madankollu l-iżball tal-organizzaturi sewa lil Kirwa milli jikser ir-rekord ta’ din il-maratona li huwa 57 sekonda inqas.
