Raġel ta’ 21 sena residenti San Pawl il-Baħar weġġa’ gravi f’inċident bil-mutur.
Dan seħħ illum għall-ħabta tas-6.30a.m. fi Triq Toni Camilleri, Burmarrad.
Mill-ewwel stħarriġ irriżulta li r-raġel weġġa’ meta waqa’ bil-mutur li kien qiegħed isuq, tal-għamla Hyosung.
Huwa ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.
Il-Pulizija għadha għaddeja bl-investigazzjoni tagħha.
