Raġel indarab gravi wara li lbieraħ, għal xi d-8:45 p.m ta’ filgħaxija kien involut f’inċident tat-traffiku fi Triq l-Ewropa, ir-Rabat, Għawdex.
Minn investigazzjonijiet li saru rriżulta li kienet seħħet ħabta bejn mutur Honda misjuq minn raġel ta’ 34 sena residenti x-Xagħra u Toyota Ractis misjuqa minn raġel ta’ 27 sena residenti x-Xagħra wkoll.
Fil-post issejjaħ tim mediku u ambulanza ħadet lis-sewwieq tal-mutur l-Isptar Ġenerali ta’ Għawdex sabiex jingħata l-kura meħtieġa.
L-investigazzjonijiet tal-Pulizija għadhom għaddejjin.
