Raġel indarab gravi wara li lbieraħ għall-ħabta tas-6:30 p.m kien involut f’inċident tat-traffiku fi Triq tax-Xerriek, Marsaxlokk.
Minn stħarriġ illi sar irriżulta li raġel ta’ 41 sena residenti Ħal Luqa, kien qiegħed isuq karozza Daihatsu Charade, tilef il-kontroll u nqaleb.
Fil-post issejħet ambulanza u tim mediku li assistew lir-raġel sakemm dan seta’ jittieħed lejn l-Isptar Mater Dei għall-kura neċessarja.
L-investigazzjonijiet tal-Pulizija għadhom għaddejjin.
