Raġel, li l-identità tiegħu għadha mhix magħrufa, weġġa’ gravi wara li ntlaqat minn Opel Insignia li kienet qed tinstaq minn mara ta’ 36 sena.
L-inċident seħħ għall-ħabta tad-9.15a.m., fi Triq is-Sur, il-Fgura.
Il-vettura ħabtet ukoll ma’ Toyota Aygo li kienet ipparkjata.
Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
