Albaniż ta’ 48 sena residenti n-Nadur Għawdex weġġa’ gravi wara li ntlaqat minn Volvo S40 li kienet qed tinstaq minn raġel ta’ 82 sena residenti Santa Venera.
L-inċident seħħ għall-ħabta tad-9.30a.m. fi Triq Dun Karm, l-Imsida.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
Il-Pulizija għaddejja bl-investigazzjonijiet fuq il-każ.
