Raġel indarab gravi wara li aktar kmieni għall-ħabta tan-nofsiegħa kien involut f’inċident tat-traffiku fi Triq Ta’ Sannat fis-Sannat.
Minn stħarriġ illi sar irriżulta li raġel ta’ 39 sena residenti l-Munxar, tilef il-kontroll tal-mutur li kien qiegħed isuq, tat-tip Generic, u waqa’.
Fuq il-post issejjaħ tim mediku u ambulanza ħadet lir-raġel l-Isptar Ġenerali t’Għawdex sabiex jingħata l-kura meħtieġa. Aktar tard, hu ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
