Tork ta’ 41 sena residenti l-Gżira weġġa’ gravi wara li waqa’ minn għoli ta’ madwar sular u nofs.
L-inċident seħħ aktar kmieni llum għall-ħabta tal-11.00a.m. ġewwa sit tal-kostruzzjoni viċin Triq Santu Rokku, il-Kalkara.
Il-vittma ngħata l-għajnuna minn tim mediku u membri mid-Dipartiment tal-Protezzjoni Ċivili.
Huma mbagħad ttieħed l-Isptar Mater Dei permezz ta’ ambulanza u ġie ċċertifikat li weġġa’ gravi.
L-investigazzjoni tal-Pulizija dwar dan il-każ għadha għaddejja.
