Raġel ta’ 51 sena u residenti Ħal Qormi sofra ġrieħi gravi wara li waqa’ minn fuq sellum waqt li kien qiegħed jaħdem.
L-inċident seħħ illum għall-ħabta tad-8.50a.m. ġewwa residenza fi Triq l-Isperanza, il-Mosta.
Ir-raġel ingħata l-għajnuna minn tim mediku u ttieħed l-Isptar Mater Dei permezz t’ambulanza.
Membri mid-Dipartiment tal-Protezzjoni Ċivli kienu wkoll fuq il-post biex jassistu.
L-investigazzjonijiet tal-Pulizija għadhom għaddejjin.
