Raġel indarab gravi wara li lbieraħ għall-ħabta tas-2:30 p.m kien involut f’inċident li seħħ fi Triq Dawret Ħal Għaxaq, Ħal Għaxaq.
Minn stħarriġ illi sar irriżulta li raġel ta’ 44 sena residenti x-Xagħra, Għawdex, weġġa’ wara li waqa’ madwar sular minn fuq sellum waqt li kien qed jaħdem.
Fil-post issejħu l-membri tal-Protezzjoni Ċivili u tim mediku sabiex jassistu, u ambulanza ħadet lir-raġel l-Isptar Mater Dei għall-kura meħtieġa.
Il-Pulizija għaddejja bl-investigazzjonijiet b’rabta ma’ dan il-każ.
