Jingħata bidu għal-Logħob Paralimipiku

Pariġi bdiet tos­pita l-ewwel Logħob Pa­ralimpiku tagħha, meta saret iċ-Ċerimonja tal-Ftuħ spettakolari fil-qalba tal-kapitali Franċiza.

Din bdiet fit-8.00 pm meta Place de la Concorde u Champs-Elysées laqgħu 4,400 atleta Paralimpiku minn 184 delegazzjoni hekk kif iċċelebraw il-bidu ta’ 11-il jum ta’ kompetiz­zjoni, li jibdew illum.

Immexxi minn Tho­mas Jolly, l-ispettaklu “we­ra l-atleti Paralimpiċi u l- va­luri li jħaddnu”, qal id-Direttur Artistiku għaċ-Ċerimonji madwar il-Logħob Olimpiku u Pa­ra­limpiku ta’ Pariġi 2024.

Waqt li ddeskriva l-kunċett bħala “l-ewwel u qabel kollox sors ta’ ispi­razzjoni mill-isbaħ”, Jolly wiegħed “prestazzjonijiet li qatt ma dehru qabel” fi “spettaklu li se jgħaqqad spettaturi u udjenzi tele­vi­­żivi madwar id-dinja mad­war l-ispirtu uniku tal-Logħob Paralimpiku”.

Iċ-ċerimonja saret barra l-konfini tal-istadium, bl-atleti jimxu fil-famuża avenue, li laħqet il-qofol tagħha f’ċelebrazzjoni u ftuħ uffiċjali tal-Logħob Paralimpiku fil-pjazza emblematika quddiem eluf ta’ spettaturi.

“X’mument inkredibbli għall-atleti tagħna, li kienu parti minn Ċerimonja tal-Ftuħ storika, fl-aktar triq famuża fid-dinja, imdawra bis-seħer kollu ta’ Pariġi,” qal  Jitske Visser, reb­bieħ ta’ midalja tal-basketball tas-siġġu tar-roti Pa­ralimpiku, President tal- Kummissjoni tal-Atleti tal-IPC u kompetitur f’Pariġi 2024.

“Din iċ-ċerimonja hija simbolu li juri l-ambizzjoni tagħna li nikkapitalizzaw fuq pajjiżna li jospita l-ewwel Logħob Paralimpiku tiegħu biex ipoġġi l-kwistjoni tal-inklużjoni għal per­suni b’diżabilità fil-qal­ba tas-soċjetà tagħna,” qal Tony Estanguet, President ta’ Pariġi 2024.

Filwaqt li l-għadd finali tal-ħaddiema ma ġiex ikkonfermat, l-organizzaturi qalu li Pariġi se tilqa’ madwar 4,400 atleta minn 168 de­legazzjoni. Dan in-numru jinkludi l-Kumitati Pa­ralimpiċi Nazzjonali ta’ 167 pajjiż, Team Paralimpiku tar-Refuġjati ta’ tmien membri u daqs 96 atleta newtrali – 88 mir-Russja u tmienja mill-Belarus.

Malta se tieħu sehem b’żewġ atleti, Antonio Flo­res fil-100 metru u l-għawwiema Maja Theuma fil-50 metru, li mxew bil-bandiera Maltija.