Matul din il-ġimgħa ngħata bidu għall-kampjonat tas-sajf organizzat mill-Assoċjazzjoni Maltija tad-Darts.
Ħdax-il tim qed jieħdu sehem f’dan il-kampjonat maqsum fuq żewġ gruppi. Ħamrun Bayern, Floriana MCP, Birgu Boċċi Club, PO’s Bar, Fgura Maypole u Leah’s Bar telgħu biex jilagħbu fi grupp A filwaqt li Top Gun, Floriana Premier CC, Team Fgura A, Duke’s u Juventutis Domus qed jikkompetu fi grupp B.
Fl-ewwel ġurnata, spikka d-draw ta’ 3-3 bejn Fgura Maypole u Leah’s Bar f’logħba ferm bilanċjata filwaqt li Birgu Boċċi Club u Ħamrun Bayern kisbu rebħiet identiċi ta’ 4-2 kontra PO’s Bar Gudja u Floriana MCP.
Fi grupp B, Juventutis Domus bdew bl-aqwa mod possibbli hekk kif kisbu rebħa kbira ta’ 5-1 kontra Duke’s filwaqt li Team Fgura A għeleb lil Floriana Premier CC 4-2.
KLASSIFIKA – GRUPP A
Birgu Boċċi Club, Ħamrun Bayern 3, Fgura Maypole, Leah’s Bar 1, PO’s Bar Gudja, Floriana MCP 0
KLASSIFIKA – GRUPP B
Juventutis Domus, Team Fgura A 3, Duke’s Floriana Premier CC, Top Gun 0
