Bil-Kolleġġjata ta’ San Pawl Nawfragu fil-Belt Valletta ppakjata bin-nies fosthom l-ogħla awtoritajiet tal-pajjiż, ingħata l-aħħar tislima r-raġel tal-President tar-Repubblika, in-Nutar Anthony Spiteri Debono.
Kien nhar il-Ħamis li għadda filgħodu meta nħarġet l-aħbar li Spiteri Debono kien miet fl-età ta’ 78 sena wara li żviluppawlu kumplikazzjonijiet ta’ saħħa.
Il-koppja Spiteri Debono għandha tlett itfal, Elena, George u Maria Kristina, waqt li huma nanniet ta’ erbgħa.