Ingħataw mal-4,000 tilqima fl-ewwel jum tal-kampanja ta’ tilqim tal-influwenza u l-Omicron.
Dan ħabbru d-Deputat Prim Ministru u Ministru tas-Saħħa Chris Fearne fuq Twitter fejn appella biex aktar nies imorru jitlaqqmu.
Għall-ewwel ġimagħtejn, it-tilqim se jkun qed jingħata lil persuni li għandhom ‘il fuq minn 55 sena, nisa tqal, ħaddiema tas-saħħa u dawk li jbatu minn kundizzjonijiet kroniċi.
It-tilqim se jkun disponibbli għal kulħadd mill-31 ta’ Ottubru li ġej.
