Festivals Malta tħabbar it-30 kanzunetta li se jgħaddu għall-fażi li jmiss għas-sitt edizzjoni ta’ Mużika Mużika. Il-festival irċieva numru sostanzjali ta’ sottomissjonijiet tal-ogħla livell, b’interess u rispons pożittiv ferm minn diversi kantanti, kompożituri u awturi fix-xena tal-mużika lokali.
Waqt l-ewwel fażi ta’ preparamenti ta’ Mużika Mużika, il-kanzunetti sottomessi ġew iġġudikati minn membri tal-ġurija fil-preżenza tan-Nutar tal-Gvern, fejn minnhom intgħażlu l-aqwa 30 kanzunetta. Issa, dawn il-kanzunetti se jkunu qed jgħaddu għall-fażi li jmiss fejn se jiġu interpretati live quddiem ġurija differenti minn dik tal-ewwel fażi. Minn hemm, jintgħażlu 16-il kanzunetta finalista li se jiġu ppreżentati waqt Mużika Mużika fid-19 u l-21 ta’ f’Marzu 2026.
It-30 kanzunetta li għaddew għall-fażi li jmiss huma dawn (f’ordni alfabetika skont l-isem tal-kanzunetta):
Avventura
Fuq Ponot Subgħajja
Għannaqtek
Glorja Lilek
Ħej Siri
Id f’Id
Imħabba
Indur Għalik
Int u Jien*
Int u Jien**
Intbaħt
Jekk Forsi
Jista’ Jkun
Ktieb Miftuħ
L-Aħħar Jum
Lilek Sibt
L-Ilsien Malti
Nifs
Niftakarna
Nistaqsi
Paċi
Poeżija Mingħajr Tmiem
Qalb tad-Deheb
Sensazzjoni
Tegħmiża
Tibkix
Tibqa’ Int
Tiegħi Tkun
Twarrabnix
Żewġ Fergħat
Festivals Malta u l-bord ta’ Mużika Mużika jixtiequ jirringrazzjaw lil kull min issottometta l-applikazzjoni tiegħu għall-festival. Aktar informazzjoni marbuta mal-live auditions ser tintbagħat lill-parteċipanti kkonċernati fil-jiem li ġejjin.
Nota: Peress li għaddew aktar minn kanzunetta waħda bit-titlu ta’ ‘Int u Jien’, nikkjarifikaw li l-kanzunetta Int u Jien* hija tal-kompożituri Edward Abela u Matthew James, filwaqt li l-kanzunetta Int u Jien** hija tal-kompożitur Cyprian Cassar.