Hekk kif komplew il-kampjonati nazzjonali tat-table tennis, kien imiss li jintlagħbu d-doubles fejn diversi plejers maskili u femminili ħadu sehem.
Fis-sezzjoni tal-irġiel, suċċess għal Andrew Gambina li flimkien ma’ Daniel Bajada għelbu 3-1 lil Gabriel Grixti u Isaac Grixti.
Fis-sezzjoni tan-nisa, Anthea Cutajar kompliet bil-mument pożittiv tagħha fejn wara li rebħet il-kategorija singles il-ġimgħa l-oħra, kellha wkoll suċċess fid-doubles meta flimkien ma’ Sascha Genovese għelbu lil Rachel Mifsud u Sabine Darmanin 3-1.
Tul dawn il-kampjonati nazzjonali, wieħed seta’ jara l-potenzjal tal-atleti Maltin li xi wħud minnhom se jiffurmaw parti mit-tim nazzjonali Malti li se jieħu sehem fil-logħob tal-pajjiżi ż-żgħar li se jsiru f’Malta dalwaqt.
