Kif kien imbassar fil-jiem li għaddew, il-maltemp bix-xita u r-ragħad resaq fuq pajjiżna u dak li l-qawwa tan-natura m’għamlitx li normalment tagħmel f’nofs ix-xahar ta’ Ottubru għamlitu fl-ewwel ġimgħa ta’ Novembru.
Ix-xita li bdiet nieżla minn nhar il-Ħamis li għadda wara nofsinhar kienet kontinwa u ma waqfitx. Huwa mistenni tkompli nieżla anki fi tmiem il-ġimgħa.
Fortunatament iżda, l-intensità tax-xita ma kinitx waħda li tagħmel ħsara l-uċuħ tar-raba’ fl-istess waqt imma li kienet biżżejjed biex tnaddaf xi ftit mit-trabijiet li normalment jinġemgħu taħt il-bankini fit-toroq tagħna matul ix-xhur ta’ qabel.