Il-Maġistrat Ian Farrugia ta l-ittra ta’ riżenja lill-President ta’ Malta Myriam Spiteri Debono.
Fi stqarrija li ħarġet il-President ta’ Malta qalet li b’effett mill-11 ta’ Awwissu 2025, l-Eċċellenza Tagħha Myriam Spiteri Debono, President ta’ Malta, aċċettat ir-riżenja tal-Maġistrat Ian Farrugia, skont it-termini ta’ Kapitlu 564 tal-Liġijiet ta’ Malta. Il-Maġistrat Farrugia rriżenja għal raġunijiet personali.
Il-President Myriam Spiteri Debono tirringrazzjah għas-servizz li ta matul it-terminu tiegħu bħala Maġistrat.
Għalkemm mhux magħruf x’wassal għal din ir-riżenja, rapporti fil-midja qegħdin jgħidu li l-Maġistrat Farrugia se jkun qiegħed imur jgħix barra minn Malta flimkien mal-familja tiegħu.