Wara li nhar it-Tnejn ġew imtellgħin il-poloz tar-rounds ta’ kwalifikazzjoni tal-kompetizzjonijiet Ewropej, il-UEFA ħabbret id-dati tal-logħbiet li jinkludu l-erba’ timijiet Maltin, Hibernians, Floriana, Hamrun Spartans u Gzira United b’tal-ewwel se jkunu fiċ-Champions League u t-tlieta l-oħra fl-Europa Conference League.
Hibernians se jiltaqgħu kontra Shamrock Rovers tal-Irlanda, Floriana kontra Petrocub Hincesti tal-Moldova, Hamrun Spartans kontra Alashkert FC tal-Armenja, u Gzira United kontra Atletic Club d’Escaldes.
L-ewwel logħba, li se tintlagħab nhar it-Tlieta, 5 ta’ Lulju, se tara fl-azzjoni lil Gzira United li jibdew l-impenji tagħhom fis-Centenary Stadium fejn se jsir il-logħob kollu tat-timijiet Maltin. Huma se jiltaqgħu kontra avversarji minn Andorra, meta din se tkun it-tielet darba li se jiffaċjaw team minn dan il-pajjiż.
Fil-passat il-Maroons iltaqgħu darbtejn kontra Sant Julia u għaddew għat-tieni round ta’ kwalifikazzjoni fiż-żewġ okkażjonijiet.
Il-programm kollu tat-tmien logħbiet tal-Maltin huwa:
It-Tlieta, 5 ta’ Lulju
Centenary Stadium – 7.00 pm Europa Conference League: Gzira U. v Atletic Club d’Escaldes.
Tallagh Stadium, Dublin – 8.30 pm Champions League: Shamrock R. v Hibernians.
Il-Ħamis, 7 ta’ Lulju
Vazgen Sargsyan Republican Stadium – 5.00 pm Europa Conference League: Alashkert FC v Hamrun S.
Centenary Stadium – 7.00 pm Europa Conference League: Floriana FC v Petrocub Hincesti.
It-Tlieta, 12 ta’ Lulju
Centenary Stadium – 8.00 pm Champions League: Hibernians v Shamrock R.
Il-Ħamis, 14 ta’ Lulju– 7.00 pm Europa Conference League: Atletic Club d’Escaldes v Gzira U.
Stadionul Zambru – 7.00 pm Europa Conference League: Petrocub Hincesti v Floriana.
Centenary Stadium – 8.00 pm Europa Conference League: Hamrun S. v Alashkert FC.
