Il-poloz tar-rawnds finali tal-Malta FA Jubilee Cup, appoġġjata minn Enemed, telgħu nhar il-Ġimgħa 19 ta’ Settembru 2025, bil-kompetizzjoni qed issir waħda iktar interessanti hekk kif it-timijiet resqin lejn il-finali.
Il-kompetizzjoni qed tiġi organizzata bħala parti miċ-ċelebrazzjonijiet relatati mal-125 anniversarju tal-Malta FA, bi klabbs mid-diviżjonijiet kollha, kif ukoll timijiet minn assoċjazzjonijiet membri oħra, jieħdu sehem.
POLOZ TAT-TIENI FAŻI TAL-JUBILEE CUP TAL-MALTA FA (IRĠIEL)
Matul ix-xahar li għadda, timijiet mill-BOV Amateur League, il-Gozo Football Association u l-assoċjazzjonijiet membri rispettivi ssieltu fl-Ewwel Fażi biex jiddeċiedu post fit-Tieni Fażi. Għad fadal tliet logħbiet mill-Grupp Gozo tal-Ewwel Fażi biex jiġu kkonfermati t-timijiet li se jidħlu fit-Tieni Fażi.
Il-poloz tat-Tieni Fażi saru mill-Manager tal-Football Operations tal-Malta FA Stewart Said, flimkien mas-CEO tal-Enemed Kevin Chircop, fis-Centenary Hall, Ta’ Qali.
Din il-fażi tal-kompetizzjoni se tara l-10 timijiet mill-Ewwel Fażi jingħaqdu ma’ klabbs mill-Premier League u l-BOV Challenge League.
L-ewwelnett, se jkun hemm Rawnd Preliminari fejn 12-il tim mill-10 timijiet tal-Ewwel Fażi u s-16-il tim tal-BOV Challenge League se jintlagħbu biex jiffaċċjaw lil xulxin u jnaqqsu dak in-numru għal sitta. Il-logħbiet tar-Rawnd Preliminari se jintlagħbu fl-1 u t-2 ta’ Ottubru 2025.
Dawn is-sitt timijiet imbagħad se jingħaqdu mal-bqija tat-timijiet tal-BOV Challenge League, kif ukoll mat-12-il tim tal-Premier League biex jikkompetu fir-Rawnd tat-32. Il-logħbiet tar-Rawnd tat-32 se jkunu fit-18 u d-19 ta’ Ottubru 2025, filwaqt li l-logħbiet tar-Rawnd tas-16 se jsiru fil-5 u s-6 ta’ Novembru 2025.
Il-poloz tat-Tieni Fażi tal-kompetizzjoni huma kif ġej:
Round Preliminari:
Fgura U. v Mtarfa
Veterans Malta v Birzebbugia SP
Zurrieq v Qormi
Kirkop U. v SK Vcitoria wanderers / Nadur Y.
Melita v Marsa
Mgarr U. v Gudja U.
MALTA FA JUBILEE CUP (NISA)
Dan is-sett ta’ poloz se jimmarka wkoll il-bidu tat-taqsima tan-Nisa tal-kompetizzjoni. Għall-poloz, Stewart Said ingħaqad mal-Ambaxxatriċi tal-Enemed, Clare Agius.
Għal din il-kompetizzjoni, se jieħdu sehem sitt timijiet mill-Assikura Women’s League, jiġifieri: Birkirkara FC, Hibernians FC, Mgarr United, San Gwann FC, Swieqi United, u Valletta FC.
Bħala riżultat, se jkun hemm Rawnd Preliminari fejn se jintgħażlu erba’ timijiet biex jilagħbu kontra xulxin. Ir-rebbieħa ta’ dawn iż-żewġ logħbiet se javvanzaw għas-Semi-Finali, bir-rebbieħa mbagħad jikkontestaw il-Finali fit-8 ta’ Diċembru 2025.
Il-poloz ta’ din il-kompetizzjoni huma kif ġej:
Round Preliminari
Swieqi U. v Valletta
Birkirkara v San Ġwann
Semi-Finali
Swieqi U. / Valletta v Mgarr U.
Hibernians v Birkirkara / San Ġwann
Finali
Rebbieħ Semi-Finali 1 v Rebbieħ Semi-Finali 2
Il-Malta FA ħabbret li Maltaball se tkun is-sieħba uffiċjali tal-media għall-Jubilee Cup tal-Malta FA, appoġġjata mill-Enemed.
