Attivisti minn pajjiżi terzi lbieraħ filgħodu sebħu jneħħu kliem ta’ mibegħda li nkiteb mal-ħitan tas-subway li hemm qrib il-Bieb tal-Bombi.
Dan il-kliem kien joffendi lill-komunità Indjana, Pakistana u tan-Nepal, filwaqt li kitba oħra kienet tgħid lil dawn biex jitilqu lura lejn pajjiżhom.
Kliem bħal dan mhux aċċettabbli fis-soċjetà tagħna għaliex iqanqal mibegħda razzjali kontra barranin li huma fostna. Dan ukoll ma jagħmilx ġieħ lill-poplu Malti li huwa magħruf għall-ospitalità u l-ġenerożità tiegħu lejn komunitajiet barranin u jistmerr il-mibegħda razzjali.
