Żagħżugħ ta’ 23 sena residenti Ħal Kirkop tpoġġa taħt ordni ta’ probation għal perjodu ta’ tlett snin wara li ammetta li seraq oġġetti mill-istess supermarket li kien jaħdem fih.
Fil-Qorti, il-Prosekuzzjoni spjegat li l-imputat inqabad b’diversi oġġetti misruqa fil-karozza tiegħu. Ingħad li l-imputat irrritorna l-oġġetti li seraq u għamilhom lura f’psthom.
Ġie spjegat li ż-żagħżugħ ħallas ukoll lis-supermarket sett tat-televiżjoni li seraq u rnexxielu jsib bejgħ tiegħu. Quddiem il-Maġistrat Claire Stafrace Zammit, huma wieġeb li huwa ħati tal-akkużi miġjuba kontrih.
Wara li semgħet is-sottomissjonijiet tal-Prosekuzzjoni u tad-Difiża, il-Maġistrat Stafrace Zammit poġġietu taħt ordni ta’ probation.
Il-Prosekuzzjoni f’dan il-każ tmexxiet mill-Avukat Martina Calleja mill-Uffiċċju tal-Avukat Ġenerali u l-Ispetturi James Mallia u Wayne Bonello.
L-Avukat Maroushka Debono assistiet liż-żagħżugħ.
