Floriana se jiftħu l-impenji tagħhom fil-Closing Round kontra Naxxar Lions hekk kif it-Tnejn filgħaxija sar it-tlugħ tat-tieni fażi tat-360 Sports Malta Premier.
Friski mit-trijonf tagħhom fir-Round tal-Ftuħ, Floriana qed joffru li jżommu l-konsistenza tagħhom u jispiċċaw fil-quċċata tar-Round tal-Għeluq biex ikunu inkurunati bħala champions ta’ Malta mingħajr il-ħtieġa li jkunu involuti fil-finali tal-Play-off tal-Kampjonat.
Il-Greens se jkunu qed ifittxu li jibdew ir-Round tal-Għeluq fuq nota pożittiva kontra Naxxar Lions li ġejjin minn Round tal-Ftuħ diżappuntanti li rahom jispiċċaw fil-qiegħ tal-klassifika u se jkunu ħerqana li jevitaw l-aħħar żewġ postijiet sabiex ikunu jistgħu jistabbilixxu post fil-play-off tar-relegazzjoni ma’ timijiet oħra li spiċċaw fl-aħħar żewġ postijiet tal-Closing Round.
Birkirkara, runners up fl-Opening Round, se jibdew il-kampanja tagħhom b’derby kontra l-ġirien Balzan, tim ieħor li qed ifittex li jevita l-aħħar żewġ postijiet wara li spiċċaw it-tieni minn taħt fir- Opening Round.
Iċ-Champions Hamrun Spartans se jiftħu l-Closing Round b’konfront diffiċli kontra Marsaxlokk u ż-żewġ timijiet se jkunu determinati li jiksbu t-tliet punti fi sforz biex jispiċċaw mal-ewwel tnejn fil-Closing Round.
Sliema Wanderers se jilagħbu kontra Zabbar St Patrcik filwaqt li Melita se jiltaqgħu ma’ Hibernians.
Il-partita l-oħra tal-ewwel ġurnata tal-Closing Round se tara lil Mosta jaffaċċjaw lil Gżira United.
L-Ewwel Ġurnata ta’ Logħob
Floriana v Naxxar Lions
Birkirkara v Balzan
Zabbar SP v Sliema Wanderers
Melita v Hibernians
Marsaxlokk v Hamrun Spartans
Mosta v Gzira United
Dawn il-logħbiet se jintlagħbu fl-4 u l-5 ta’ Jannar 2025.
