Diversi ġurnali Spanjoli qed isostnu li l-attakkant internazzjonali Portugiż Joao Felix ikkonferma li jrid iħalli lil Atletico Madrid, possibbilment f’Jannar li ġej.
Felix xejn m’hu qed iħossu komdu fil-Wanda Metropolitano Stadium u talab lill-aġent tiegħu Jorge Mendes sabiex isiblu klabb alternattiv.
Minkejja kollox, los Colchoneros mhux lesti li jħalluh jitlaq speċjalment minħabba li għadu taħt kuntratt.
Mendes qed jipproponi sabiex Felix imur b’self ma’ xi klabb ieħor.
Felix għandu 23 sena u ilu ma’ Atletico Madrid sa mis-sena 2019 fejn skorja 24 gowl f’94 partita.