L-aħwa Amerikani, Joel u Avram Glazer, qed jikkunsidraw li jibqgħu jżommu l-kontroll ta’ Manchester United billi jixtru l-ishma tal-erba’ aħwa tagħhom.
Qed jingħad li dawn iż-żewġ ko-sidien ma jridux ibiegħu lil-club hekk kif fil-jiem li ġejjin se jirċievu l-offerti ta’ ħames konsorzji fit-tentattiv li Old Trafford ikollhom sidien ġodda.
It-talba tal-Glazers hija dik ta’ £7 biljuni. Iżda l-Awtorità tal-Investiment tal-Qatar mistennija tagħmel approċċ li jiswa madwar £5 biljun.
Peró skond rapporti li qed jiċċirkolaw lill-club qed isostnu li Joel u Avram qed “jesploraw” modi kif iżommu l-maġġoranza tal-ishma tagħhom.
L-aħwa Bryan, Edward, Darcie u Kevin huma diretturi tal-United.
Avram kien fil-Qatar il-ġimgħa li għaddiet – b’taħdidiet dwar il-bejgħ ta ‘sehem minoritarju lill-investituri tal-pajjiż. F’Novembru li għadda, il-Glazers żvelaw li se jikkunsidraw “l-għażliet strateġiċi kollha” – inkluż investiment jew bejgħ dirett – fid-dawl ta’ protesti tal-partitarji fuq skala wiesa’ kontra s-sjieda tagħhom.
U l-partitarju tar-Red Devils Sir Jim Ratcliffe, li huwa maħsub li jiswa £12.33 biljun, huwa ħerqan li jagħmel offerta.
Iżda jista’ jiffaċċja oppożizzjoni iebsa mil-Lvant Nofsani u anke mill-Istati Uniti.
Investituri potenzjali qed jiġġieldu wkoll biex jipperswadu lil David Beckham biex jappoġġja l-offerta tagħhom.
