Hekk kif il-futur tal-attakkant Niġerjan Victor Osimhen ma’ Napoli għadu ferm inċert, i Partenopei mhux se jħalluh jitlaq jekk il-klabb prospettiv ma joħroġx mill-but is-somma ta’ €100 miljun.
Minkejja kollox, Napoli ma jixtiqux jistennew ħafna u għalhekk permezz tal-pariri tal-kowċ il-ġdid tagħhom Rudi Garcia qed ifittxu sostitut għalih li dan jista’ jkun Jonathan David. Dan tal-aħħar hu plejer Kanadiż li jilgħab ma’ Lille u li f’112-il partita skorja 52 gowl.
Garcia jogħġbu ferm l-istil ta’ dan il-plejer u jinsab fiduċjuż li d-diriġenti Naplitani jikkuntentawh u jmorru għal David.
