Missier allegatament qatel lil martu u lil bintu għax hu ħaseb li huma kienu ‘wisq qrib ta’ xulxin’. Hu beda jaħseb li l-mara kienet qed taqlibhielu.
Marcin Zdun li hu ħaddiem ta’ Tesco fil-belt ta’ Salisbury fir-Renju Unit hu akkużat li qatel lil matu u l-binti billi ħanxrilhom għonqhom.
Jidher li l-allegat qtil seħħ ftit jiem biss wara li martu Aneta infurmatu li tridi id-divorzju. Hi kienet talbitu ukoll biex jitlaq mid-dar.
Hu beda jemmen li martu u bintu kienu saru ‘qrib xulxin’ u hu beda jara li ma jistax jikkontrollahom aktar. Zdun, b’mod żbaljat beda jaħseb li martu li hi fizjoterapista kien qed ikollha relazzjoni ma’ kollega tiegħu.
Zdun ammetta li qatilhom fil-Qoti imma ddikjara li ma jiftakar xejn minn dan l-attakk li wettaq fuqhom. Il-prosekuzzjoni qalet li l-missier iddeċieda li joqtol lil martu u lil bintu mhux għax kellu xi problemi ta’ saħħa mentali imma għax kien għajjur għalihom u rrabjat.
Il-qtil kien wieħed xokkanti tant li xi ġirien semgħu it-twerżiq. Filfatt wieħed mill-ġirien xehed li darba minnhom sema ħafna għajat u twerżiq. Jgħid li mar jara x’ġara u hemm ra lil Marcin b’sikkina f’idejh jattakka lil Aneta u Nikoleta. Il-missier għandu żewġ itfal oħra minn Aneta u dawn illum qed jgħixu l-Polonja.
