Jordan Azzopard ta’ 32 sena, magħruf bħala El Chapo tressaq il-Qorti kmieni dalgħodu. Huwa nżamm arrestat b’rabta ma’ traffikar u pussess tad-droga kokaina.
Dan wara li lbieraħ, ħidma mill-Pulizija ta’ Kontra d-Droga wasslet għall-arrest ta’ Jordan Azzopardi magħruf bħala l-El Chapo ta’ Malta b’rabta ma’ traffikar u pussess tad-droga kokaina.
Quddiem il-Maġistrat Donatella Frendo Dimech, l-Ispettur Alfredo Mangion qal kif daħlitilhom informazzjoni li Azzopardi kien involut f’attività marbuta mat-traffikar tad-droga. Il-pulizija marru fuq il-post u lemħu l-karozza tiiegħu qrib Busietta Gardens, is-Swieqi. Huwa pprova jaħrab minn fuq il-post u deher jitfa’ xi ħaġa barra mill-karozza.
Kompla jispjega kif Azzopardi induna bil-preżenza tal-Pulizija, huwa beda jsuq b’manjiera perikoluża u b’veloċita qawwija sabiex jaħrab, tant li laqat xi karozzi.
Fi ftit ħin, il-Pulizija iċċirkondawh, arrestawh u wara tfittxija li saret huwa nstab fil-pussess ta’ sustanza suspetta kokaina.
