Il-captain ta’ Liverpool Jordan Henderson ma kienx parti mit-tim għall-ewwel logħba ta’ ħbiberija li huma lagħbu lbieraħ kontra Karlsruhe tal-Ġermanja u li rebħu 4-2.
Jidher li l-plejer internazzjonali Ingliż qed jinteressa lit-tim mis-Saudi Pro League Al Ettifaq.
Henderson għandu 33 sena u skont diversi ġurnali Ingliżi, hu ftiehem verbalment mat-tim mill-Arabja Sawdija mmexxi minn Steven Gerrard fejn se jkun qed jaqla’ s-somma ta’ £700,000 fil-ġimgħa.
