Rennes ħatru lil Jorge Sampaoli bħala l-kowċ tagħhom u b’hekk ħa post Julien Stephan. Huma xejn m’huma għaddejjin tajjeb fil-kampjonat Franċiż tant li jinsabu fit-13-il post tal-klassifika bi 11-il punt.
Sampaoli hu kowċ li m’għandu bżonn tal-ebda introduzzjoni hekk kif mexxa diversi timijiet fl-Ewropa kif ukoll timijiet nazzjonali fosthom iċ-Ċili u l-Arġentina. Hu għandu 64 sena u fl-ewwel kummenti tiegħu hu qal li se jipprova jwassal il-grinta tiegħu lill-plejers sabiex jibdew ġejjin il-punti.
