Il-midfielder ta’ Chelsea, Jorginho, qed jitqies bħala mira potenzjali ta’ trasferiment għal Juventus.
L-internazzjonali Taljan stabbilixxa ruħu bħala player ewlieni fi Stamford Bridge mill-wasla tiegħu fl-2018, u għamel total ta’ 170 dehra fil-kompetizzjonijiet kollha kif ukoll rebaħ l-Europa League u ċ-Champions League.
Madankollu, Jorginho, li llum għandu 30 sena, fadallu biss 17-il xahar fil-kuntratt tiegħu, u għad irid jara jekk hux se jkun qed jirritorna f’pajjiżu fil-futur.
Juventus qed isegwu s-sitwazzjoni qabel ma jagħmlu approċċ għall-player matul it-tieqa tat-trasferimenti tas-sajf.
Filwaqt li l-Bianconeri jridu l-ewwel iċeduu numru ta’ players fl-istess pożizzjonijiet, huma diġà qed jippruvaw inaqqsu l-iskwadra tagħhom, u potenzjalment jilliberaw spazju għal Jorginho biex jingħaqad ma’ Juventus.
B’Jorginho se jkun qed jagħlaq 32 sena ħames xhur biss oħra, meta jiskadi l-ftehim attwali tiegħu, il-politika ta’ Chelsea kważi ċertament se tirriżulta li l-player jiġi offrut biss estensjoni ta’ 12-il xahar fil-futur.
