Qed jiċċirkolaw rapporti li Jose Mourinho u t-team tiegħu ta’ Roma kellhom laqgħa ta’ tensjoni kbira fid-dressing-room wara li nhar il-Ġimgħa sfaw megħluba 2-1 minn Milan.
Dan ir-riżultat iħalli lil Roma b’punt wieħed biss minn tliet rounds dan l-istaġun, wara li ġew draw 2-2 ma’ Salernitana u tilfu barra minn darhom kontra Verona.
Mourinho ma kienx fuq il-bank fl-ewwel żewġ logħbiet minħabba li kien sospiż, iżda rritorna f’postu l-Ġimgħa filgħaxija fi Stadio Olimpico.
Sussegwentement il-coach Portugiż irrifjuta li jitkellem mal-midja jinsisti li kien minħabba li kien għadu furjuż wara konversazzjoni mimlija tensjoni fid-dressing room.
Is-sors isostni li ma kienx biss attakk fuq naħa waħda ta’ Mourinho fuq il-players tiegħu, iżda li l-grupp irrisponda billi talab aktar ideat tattiċi biex jiżviluppaw l-istil ta’ logħob tagħhom stess.
Paulo Dybala u Renato Sanches kienu barra mweġġgħin, filwaqt li Romelu Lukaku għamel id-debutt tiegħu lejn it-tmiem.
