José Mourinho xeħet ħarstu fuq id-difensuri ta’ Manchester United, Aaron Wan-Bissaka u Diogo Dalot.
It-coach Portugiż irid jikseb post mal-ewwel erbgħa mal-Giallorossi fl-istaġun 2022-23 wara li dan l-istaġun rebaħ l-ewwel trofew Ewropew fl-istorja tal-club.
Hu se jkun qed ifittex li jsaħħaħ l-iskwadra f’oqsma differenti, fosthom fid-difiża. Waħda mill-prijoritajiet ta’ Mourino hija li jsaħħaħ l-għażliet tiegħu fid-difiża leminija, fejn Rick Karsorp lagħab il-biċċa l-kbira tal-logħob fl-istaġun 2021-22. Ainsley Maitland-Niles se jirritorna ma’ Arsenal wara perijodu ta’ self diżappuntanti fil-kapitali u d-difensur ta’ Manchester United Wan-Bissaka huwa wieħed mill-għażliet biex jieħu postu.
