Jose Mourinho jinsab kuntent li jibqa’ ma’ Roma, minkejja r-rabtiet ma’ Everton.
It-Toffees bħalissa qed ifittxu manager ġdid wara li l-club iddeċieda li jkeċċi lil Rafael Benitez wara t-telfa riċenti kontra Norwich City.
Diversi ismijiet ġew marbuta mar-rwol vakanti, u dan jinkludi lill-ex manager Roberto Martinez, u l-ex rebbieħ tal-Premier League, Mourinho.
Mourinho jinsab kuntent fl-Italja bħalissa, u jrid ikompli jaħdem ma’ Roma, li huwa club li ngħaqad miegħu biss fis-sajf.
Il-manager ta’ esperjenza bħalissa għandu kuntratt ta’ tliet snin, bit-team tiegħu bħalissa qiegħed is-seba’ post tal-klassifika wara 11-il rebħa mill-ewwel 22 logħba tagħhom.
Żewġ ex footballers tal-Premier League ġew marbuta wkoll mal-impjieg ma’ Everton, hekk kif Frank Lampard u Wayne Rooney ġew marbuta mal-pożizzjoni.
Għalissa, Duncan Ferguson se jkun qed jaħdem bħala l-caretaker manager, u hu se jkun responsabbli nhar is-Sibt meta jiltaqgħu ma’ Aston Villa.