L-ex Prim Ministru, Joseph Muscat, xeħet in-nomina tiegħu għall-presidenza tal-Malta Professional Football Clubs Association liema vot se jittieħed it-Tlieta filgħaxija mill-clubs tal-Kampjonat Premier.
Forsi din in-nomina ġiet bħala sorpriża hekk kif Muscat mhuwiex amministratur tal-ebda club iżda għandu l-logħba tal-football ferm għal qalbu.
Jekk il-vot ikun fl-affermattiv, Muscat ikunu it-tieni president wara Robert Micallef ta’ Sta Lucia hekk kif dan tal-aħħar kien l-ewwel li mexxa dan il-kumitat li proprju fis-sena li għaddiet ħa post il-Premier Standing Committee li kien immexxi mill-mibki president ta’ Hibernians, Tony Bezzina, għal xejn inqas minn 20 sena sħaħ.
