Juan Mata se jħalli lil Manchester United bi free transfer fl-aħħar ta’ Ġunju.
Il-player ta’ 33 sena għamel 277 dehra mar-Red Devils minn mindu ngħaqad magħhom mingħand Chelsea f’nofs l-istaġun 2013-14, u skorja 51 goal u pprovda 47 assist fil-proċess.
Mata għamel biss erba’ dehriet ma’ Man United matul l-istaġun 2021-22, madankollu, darbtejn fiċ-Champions League, darba fl-EFL Cup u darba fl-FA Cup.
Il-kuntratt tal-Ispanjol mar-Red Devils mistenni jiskadi fl-aħħar ta’ Ġunju, u huwa mistenni jħalli Old Trafford bi free transfer.
Mata, li kien marbut ma’ ritorn fil-La Liga, ma lagħabx minuta waħda fil-Premier League dan l-istaġun.
Intant, Paul Pogba huwa player ieħor ta’ Manchester United li jista’ jitlaq bi free transfer dan is-sajf, iżda l-internazzjonali Franċiż għadu jrid jieħu deċiżjoni dwar il-futur tiegħu.
