L-iskorer prolifiku Jean Pierre Mifsud Triganza kien l-eroj assolut għall-Veterani Maltin hekk kif skorja doppjetta li biha għelbu lil Malta Employers Sports Association 2-1 fil-ftuħ tal-Jubilee Cup. Din kienet il-logħba tal-ftuħ ta’ din il-kompetizzjoni organizzata mill-MFA f’għeluq il-125 anniversarju mit-twaqqif tagħha.
Fl-ewwel taqsima, il-Veterani ddominaw il-pussess bil-MESA li bdew itellgħu kontrattakki li xi kultant kienu perikolużi.
Minkejja kollox, kienu l-MESA li marru minn fuq fil-75 minuta permezz ta’ Jean Carlos Ibarra Grueso li ġera ġirja tajba u daħal fil-kaxxa filwaqt li għeleb lil Matthew Camilleri.
Il-Veterani Maltin wettqu reazzjoni f’waqtha u ġabu l-iskor indaqs erba’ minuti wara meta kien Jean Pierre Mifsud Triganza li ħarab lill-avversarju dirett tiegħu u b’xutt għar-rokna għeleb lil Jurgen Cilia.
Dan il-gowl xpruna lit-tim immexxi minn Joe Micallef li skorja dak li kellu jkun il-gowl tar-rebħa hekk kif wara azzjoni ta’ corner, kien Mifsud Triganza li f’lasta vojta xeħet il-ballun ġewwa sabiex ta r-rebħa drammatika lit-tim tiegħu.
Inċidentalment dan kien il-279 gowl ta’ Mifsud Triganza fil-kompetizzjonijiet kollha tal-MFA.
B’hekk il-Veterani Maltin issa jilagħbu fis-semifinali kontra min jirbaħ fil-konfront tal-lum bejn GIDA u SWAN.
Referee kien Renald Portelli