L-attakkant Jude Bellingham jidher li qagħad sew mat-tim il-ġdid tiegħu Real Madrid hekk kif skorja r-raba’ gowl tiegħu bil-flokk abjad tat-tim.
Ir-rebħa kontra Celta Vigo fil-kampjonat jixhed li Bellingham kien wieħed mill-akkwisti l-aktar importanti għall-kowċ Carlo Ancelotti li mal-ewwel tah fiduċja kbira.
Hekk kif il-logħba kienet destinata li tispiċċa fi draw, wasal dak il-gowl tant importanti tal-plejer internazzjonali Ingliż fil-81 minuta li ta r-rebħa lit-tim tiegħu.
Ancelotti faħħar il-kwalitajiet ta’ dan il-plejer u qal li qed itih ħafna fiduċja biex jasal għal aktar tragwardi.
