Barcelona qed jikkunsidraw jekk jagħmlux proposta biex jiffirmaw lid-difensur ta’ Sevilla, Jules Kounde.
Jidher li l-ġganti Katalani diġà qablu li jiffirmaw lid-difensur ċentrali ta’ Chelsea Andreas Christensen bi free transfer, u b’hekk saħħew l-għażliet ta’ Xavi f’nofs id-difiża tiegħu.
Madankollu, jidher li l-coach ta’ Barcelona jibqa’ ħerqan li jakkwista player ieħor ta’ profil għoli u Kounde jinsab fil-quċċata tal-lista mqassra tiegħu.
Filwaqt li Chelsea huma favoriti ċari li jiffirmaw lill-internazzjonali Franċiż bħala sostitut ta’ Christensen, jidher li Barcelona huma lesti li jkunu kreattivi sabiex jibqgħu fit-tellieqa għall-firma tal-player ta’ 23 sena.
Konxji li ma jistgħux jaqblu mal-Blues fejn tidħol offerta finanzjarja, Barcelona huma lesti li jinkludu tal-inqas player wieħed fi kwalunkwe proposta, inkluż il-player lemini, Sergino Dest.
Id-direttur sportiv ta’ Sevilla Monchi jista’ jitlob tal-anqas player ieħor biex jilħaq kompromess dwar ftehim, konxju li Chelsea kienu se jħallsu somma ta’ flus kontanti għas-servizzi ta’ Kounde.
