Julian Scerri, il-plejer tat-Tim Nazzjonali tal-Isquash ta’ Malta, ikkompeta dan il-weekend fil-European Romanian Junior Open f’Bucharest fejn lagħab fil-kategorija tal-Irġiel U19.
Julian, ta’ 17-il sena, li kien seeded fin-numru 2, tilef bi ftit f’finali twila ħafna ta’ 70 minuta kontra Conti, li kien numru 1 fil-klassifika u l-plejer Taljan numru 1 tal-Isquash Junior, b’riżultat ta’ 11-6, 8-11, 11-5, 8-11 u 11-9 biex bi kburija rebaħ il-fidda għal Malta.