Il-manager ta’ Liverpool, Jurgen Klopp, jinsab ferm ħerqan li jġib lil Jude Bellingham f’Anfield, hekk kif jemmen li dalwaqt se jkun ‘l-aqwa midfielder fid-dinja’.
L-internazzjonali Ingliż reġa’ kien f’forma impressjonanti għal Borussia Dortmund dan l-istaġun, fejn skorja sitt goals u pprovda 12-il assist f’34 dehra fil-kompetizzjonijiet kollha.
Għad hemm spekulazzjoni mifruxa madwar iż-żagħżugħ ta’ 18-il sena, bi clubs bħal Liverpool, Chelsea u Manchester United kollha maħsuba li huma ħerqana li jiffirmawh.
Jidher li Klopp huwa tal-fehma li Bellingham dalwaqt se jsir il-midfielder ewlieni fil-football dinji, u għalhekk huwa determinat li jġib lill-player żagħżugħ f’Merseyside.
Madankollu, huwa mifhum li Dortmund x’aktarx li jitolbu aktar minn £100 miljun għal Bellingham, li għad fadallu aktar minn tliet snin fil-ftehim attwali tiegħu.
Bellingham skorja 10 goals u rreġistra 16-il assist fi 80 dehra għal Borussia Dortmund minn meta ngħaqad mal-club Ġermaniż mingħand Birmingham City f’Lulju 2020.
