Justin Haber jinsab viċin li jirritorna ma’ Hibernians. Dan fi sfond li l-goalkeeper ta’ riserva Matthew Calleja Cremona fl-aħħar jiem ħabbar li mhux se jkompli bl-esperjenza tiegħu mal-Pawlisti.
Haber m’għandu bżonn tal-ebda introduzzjoni hekk kif għandu esperjenza vasta fil-football lokali u anke dak internazzjonali fejn fost oħrajn lagħab anke ma’ Sheffield United fl-Ingilterra. Huwa beda l-istaġun li għadda ma’ Gzira United qabel f’Jannar ingħaqad ma’ Santa Lucia.
