Għalkemm is-suq tat-trasferimenti tas-sajf ilu xahar li għalaq, il-klabbs Ewropej diġa’ qed jaħsbu kif isaħħu l-iskwadri tagħhom f’Jannar li ġej meta jkun hemm is-suq tax-xitwa.
Juventus hu wieħed mit-timijiet li beħsiebhom isaħħu t-tim b’mod partikolari fid-difiża fejn mhux dejjem qed ikunu brillanti.
Il-Bianconeri qed jistudjaw il-profil ta’ żewġ difensuri u dawn huma Tiago Dialo ta’ Lille u Strahinja Pavlovic. L-għan hu li wieħed minnhom jiġi fl-Allianz Stadium sabiex jgħin lit-tim fil-fażi difensiva.
