Juventus iridu jibagħtu lil Dusan Vlahovic ma’ Chelsea biex jieħdu lil Romelu Lukaku għal aktar flus kontanti, iżda Real Madrid ħarġu bħala kandidati serji għall-internazzjonali Serb.
L-attakkant ma jaddattax tajjeb għat-tattiċi tal-coach Massimiliano Allegri u jinsab frustrat min-nuqqas ta’ ċansijiet ta’ skor li ngħata f’Turin.
Allegri ċċara li jippreferi attakkant ċentrali bħal Lukaku li jista’ jirtira, iżomm il-ballun u mbagħad imur fuq il-kontrattakk, kif ukoll ikun ferm iktar fiżiku minn Vlahovic.
Chelsea s’issa rrifjutaw li jaċċettaw il-prezz mitlub għal Lukaku flimkien ma’ €40 miljun għal Vlahovic, u offrew madwar nofs dik is-somma fi flus kontanti.
Fi Spanja hemm suġġerimenti li Real Madrid qed iħarsu wkoll lejn Vlahovic bħala alternattiva fil-każ li l-għan tagħhom tas-sajf għall-istilla ta’ Paris St-Germain, Kylian Mbappe, qed jonqos milli javvanza.
Fl-istess ħin, jekk PSG jitilfu lil Mbappe, jistgħu jagħżlu lil Vlahovic, 23 sena, bħala s-sostitut tiegħu.
L-istima li Juventus taw għas-Serb hija ta’ mill-inqas €75 miljun, wara li ħallsu €81 miljun flimkien bonuses oħra biex iffirmawh mingħand Fiorentina f’Jannar 2022.
