Juventus għamlu offerta uffiċjali ta’ kuntratt ta’ tliet snin biex jiffirmaw lill-midfielder ta’ Manchester United, Paul Pogba, dan is-sajf.
Il-player ta’ 29 sena mistenni jħalli Old Trafford meta jiskadielu l-kuntratt ix-xahar id-dieħel, u Juventus huma maħsub li qed imexxu t-tellieqa għall-firma tiegħu.
Il-Kap Eżekuttiv ta’ Juventus, Maurizio Arrivabene, dan l-aħħar żvela li kienu laħqu ftehim verbali mar-Red Devils fir-rigward ta’ offerta proposta għall-player internazzjonali Franċiż.
