Juventus ħabbru li kisbu t-tieni akkwist notevoli tagħhom hekk kif wara Timothy Weah, issa kien imiss lil Facundo Gonzalez li se jkun qed jilbes il-flokk iswed u abjad tal-klabb.
Gonzalez hu plejer mill-Urugwaj u dan l-aħħar kien reġistrat ma’ Valencia. Hu kien protagonista fit-tazza tad-dinja ta’ taħt l-20 sena u dan kollu ma ħarabx l-għajnejn attenti tal-iskawts Juventini.
Minkejja kollox, l-istess Gonzalez jista’ jiġi misluf lil Salernitana sabiex jilgħab aktar futbol regolari , xi ħaġa li mhux dejjem se jsib ma’ Juventus.
