Id-direttur sportiv ta’ Juventus Federico Cherubini ċaħad li l-club huwa interessat li jerġa’ jiffirma lill-midfielder ta’ Manchester United, Paul Pogba.
Il-player ta’ 28 sena daħal fl-aħħar 12-il xahar tal-kuntratt tiegħu f’Old Trafford, u kien marbut ma’ diversi clubs fosthom Juventus, Real Madrid, Barcelona u Paris Saint-Germain.
Pogba ingħaqad mal-ġganti tas-Serie A bi free transfer mingħand ir-Red Devils lura fl-2012, madankollu Cherubini kkonferma li l-club issa se jħares lejn players iżgħar, inkluż l-attakkant ta’ Borussia Dortmund Erling Braut Haaland.
“Fis-suq se nfittxu players bħal Haaland. Kwalunkwe investiment imur fid-direzzjoni ta ‘profil żagħżugħ. Qed nippjana li nħatra fuq tip ieħor ta’ plejer,” qal Cherubini lid-Daily Mirror.
Dawn il-kummenti huma kontradizzjoni sħiħa għal dak li ntqal mill-aġent ta’ Pogba, Mino Raiola, li ssuġġerixxa li l-klijent tiegħu jista’ jirritorna Turin is-sajf li ġej.
Pogba kellu bidu pożittiv fl-istaġun il-ġdid, u pprovda seba’ assists fl-ewwel ħames logħbiet tal-Premier League, erba’ iktar minn kwalunkwe player ieħor s’issa f’dan l-istaġun.
