Juventus jistgħu jingħaqdu ma’ Chelsea u Manchester United fit-tellieqa biex jiffirmaw lill-midfielder ta’ Monaco, Aurelien Tchouameni.
Iż-żagħżugħ ta’ 21 sena kien marbut ħafna ma’ ċaqliq ‘il bogħod mill-club tal-Ligue 1, bil-Blues maħsuba li qed jifformaw ftehim ta’ Jannar għall-Franċiż.
Madankollu, jidher li kemm Chelsea kif ukoll Man United jistgħu jingħataw daqqa ta’ ħarta kbira fl-interess tagħhom fi Tchouameni minħabba l-interess ta’ Tottenham Hotspur li jiffirmaw lil Weston McKennie.
Jekk it-team immexxi minn Antonio Conte jakkwista lil McKennie fit-tieqa tat-traferimenti tax-xitwa, Juventus se jfittxu li jissostitwixxi lill-internazzjonali Amerikan ma’ Tchouameni, li huwa stmat minn Monaco għal madwar €50m.
Juventus ikunu ħerqana li jbigħu lil McKennie jekk jirċievu offerta ta’ madwar €30m biex jgħinu jiffinanzjaw offerta għall-mira tal-‘ħolm’ tagħhom, Tchouameni.
Tchouameni, li fadallu sentejn u nofs fil-kuntratt tiegħu, skorja żewġ goals fi 28 dehra ma’ Monaco fil-kompetizzjonijiet kollha ta’ dan l-istaġun.
